Foto: «Qairat» FK paraqshasynan
Almatylyq "Qairat" klýbynyń Chempiondar ligasyndaǵy qarsylastary belgili boldy, dep habarlady Qazaqstan fýtbol federatsiiasy.
Monakoda ÝEFA Chempiondar ligasy jalpy kezeńiniń jerebesi tartyldy.
"Qairat" "Real", "Inter", "Arsenal", "Briýgge", "Sporting", "Olimpiakos", "Pafos" jáne "Kopengagen" komandalarymen kezdesedi.
Chempiondar ligasynda "Qairat" segiz oiyn oinaidy. Onyń tórteýi óz elinde bolsa, tórteýi "qonaqta".
Almatyda "Qairat" madridtik "Realdy", belgiialyq "Briýggeni", grekterdiń "Olimpiakosyn" jáne kiprlik "Pafos" klýbtaryn qabyldaidy. Syrtta komanda Milannyń "Inter", Londonnyń "Arsenal", Portýgaliianyń "Sporting" jáne Daniianyń "Kopengagen" komandalarymen kezdesedi.
Oiyndar 16 qyrkúiek pen 28 qańtar aralyǵynda ótedi. Naqty kúntizbe aldaǵy ýaqytta belgili bolady.
