Almaty halyqaralyq áýejaiyna ÝEFA Chempiondar ligasynyń qatysýshysy – ispandyq «Real Madrid» fýtbol klýbynyń negizgi quramy kelip qondy, dep habarlaidy Ult.kz.
Eýropanyń basty klýbtyq dodasyna qatysyp jatqan madridtik fýtbolshylardy qazaqy qonaqjailylyqpen qarsy aldy. Áýejaida qonaqtarǵa erekshe qurmet kórsetilip, dástúrli aspaptarda oryndalǵan Chempiondar ligasynyń ánurany kópshilikti tánti etti.
Áýejaidyń baspasóz qyzmeti bul sátti «sportqa degen súiispenshilik pen ulttyq áýenniń úilesimi» dep sipattady.
Klýbtyń resmi paraqshasynda da Almatyǵa sapar jaily jazba jariialandy. Uzaq joldan keiin oiynshylardyń sharshańqy bolǵany baiqaldy.
Qazaqstandyq jankúierler de kópten kútken klýb múshelerin ystyq yqylaspen qarsy aldy. Ásirese áýejai aldynda saǵattap kútken balalardyń qýanyshy erekshe boldy.
