Tokioda ótýi tiis jazǵy Olimpiada oiyndarynda Qazaqstan sportshylary el namysyn sporttyń 30 túrinen qorǵaidy, dep habarlaidy "Ult aqparat".
Mádeniet jáne sport ministri Aqtoty Raiymqulova el aldyndaǵy esebi kezinde búginge deiin neshe litsenziia jeńip alynǵanyn aitty.
«Ulttyq Olimpiada komitetimen birlesip, ulttyq qurama komandalardyń sportshylaryn Tokio qalasynda ótetin jazǵy Olimpiada oiyndaryna daiyndaý úshin belsendi jumys júrgizilýde. Ulttyq qurama sporttyń 30 túri boiynsha el namysyn qorǵaidy. Búgingi tańda sporttyń 22 túrinen 53 litsenziia jeńip aldyq», - dedi ministr.
Sondai-aq, vedomstvo basshysy erekshe qajettilikteri bar sportshylar da nazardan tys qalmaǵanyn atap ótti.
«Jergilikti atqarýshy organdarmen birlesip barlyq sport keshenderinde eresekter men erekshe qajettilikteri bar balalar úshin sportpen ainalysý úshin jaǵdai jasalady. Múmkindigi shekteýli jandar úshin elimizde 15 sport klýby, elordada Paraolimpiadalyq jattyǵý ortalyǵy jumys isteidi», - dedi Aqtoqty Raiymqulova.
