توكيودا ٶتۋٸ تيٸس جازعى وليمپيادا ويىندارىندا قازاقستان سپورتشىلارى ەل نامىسىن سپورتتىڭ 30 تٷرٸنەن قورعايدى, دەپ حابارلايدى "ۇلت اقپارات".
مەدەنيەت جەنە سپورت مينيسترٸ اقتوتى رايىمقۇلوۆا ەل الدىنداعى ەسەبٸ كەزٸندە بٷگٸنگە دەيٸن نەشە ليتسەنزييا جەڭٸپ الىنعانىن ايتتى.
«ۇلتتىق وليمپيادا كوميتەتٸمەن بٸرلەسٸپ, ۇلتتىق قۇراما كوماندالاردىڭ سپورتشىلارىن توكيو قالاسىندا ٶتەتٸن جازعى وليمپيادا ويىندارىنا دايىنداۋ ٷشٸن بەلسەندٸ جۇمىس جٷرگٸزٸلۋدە. ۇلتتىق قۇراما سپورتتىڭ 30 تٷرٸ بويىنشا ەل نامىسىن قورعايدى. بٷگٸنگٸ تاڭدا سپورتتىڭ 22 تٷرٸنەن 53 ليتسەنزييا جەڭٸپ الدىق», - دەدٸ مينيستر.
سونداي-اق, ۆەدومستۆو باسشىسى ەرەكشە قاجەتتٸلٸكتەرٸ بار سپورتشىلار دا نازاردان تىس قالماعانىن اتاپ ٶتتٸ.
«جەرگٸلٸكتٸ اتقارۋشى ورگاندارمەن بٸرلەسٸپ بارلىق سپورت كەشەندەرٸندە ەرەسەكتەر مەن ەرەكشە قاجەتتٸلٸكتەرٸ بار بالالار ٷشٸن سپورتپەن اينالىسۋ ٷشٸن جاعداي جاسالادى. مٷمكٸندٸگٸ شەكتەۋلٸ جاندار ٷشٸن ەلٸمٸزدە 15 سپورت كلۋبى, ەلوردادا پاراوليمپيادالىق جاتتىعۋ ورتالىعى جۇمىس ٸستەيدٸ», - دەدٸ اقتوقتى رايىمقۇلوۆا.
