Kásipker Raiymbek Batalovtyń áieli Lenara Batalova Qýandyq Bishimbaevtyń sot otyrysyndaǵy atyshýly málimdemesine qatysty pikir bildirdi, dep habarlaidy "Ult aqparat".
Lenara Batalova otbasynyń abyroi men qadir-qasietine nuqsan keldi dep esepteidi.
"Bolyp jatqan oqiǵaǵa óz pikirimdi bildirsem dep edim. Instagramym hatqa tolyp qaldy. Keshe el bolyp shýly protseske kýá boldyq. Qyzyq bolǵanda, bul kúlki kúnimen tuspa-tus keldi. Protsess te sondai sipatqa ie bolǵan siiaqty. Sotta is qaralyp jatqanyn emes, barshamyz "Pýst govoriat" kórip otyrǵandai boldyq.
Otbasymnyń abyroiy men qadir-qasietine nuqsan keltiretin dáieksiz, sandyraq sózderin tipti elegim kelmeidi. Men tek Saltanattyń jaqyndaryna sabyrlyq, kúsh-qýat, tózim jáne senim tileimin. Qazaqstan halqynyń qoldaýymen ádildik ornap, bárimiz jarqyn jaqta ómir súremiz dep senemin. Biz sizdermen birgemiz", - dep málimdedi Lenara Batalova.
Aita keteiik, sottaǵy sózinde Qýandyq Bishimbaev marqum Saltanat Núkenova Raiymbek esimdi kásipkerdiń kóńildesi bolǵanyn aitqan bolatyn.
