QR Prezidenti Teleradiokesheniniń bas direktory Raýshan Qajybaevanyń ýkrainalyq tanymal jýrnalist Dmitrii Gordonmen suhbaty jariialandy, dep habarlaidy "Ult aqparat".
Suhbat barysynda Dmitrii Gordon jalpy jýrnalistikanyń keleshegi, tanymal tulǵalarmen suhbat qurýdyń qyr-syry, urpaq sabaqtastyǵy, burynǵy býyn men búgingi býynnyń kózqarasy týraly oi bólisti. Sondai-aq álemniń túkpir-túkpirinde oqyp júrgen qazaqstandyq jastarǵa erekshe tamsanatynyn atap ótti.
«Soǵys jyldaryndaǵy Qazaqstandaǵy halyqtyń óziniń jaǵdaiy jaqsy emes edi. Biraq sonaý qiyn-qystaý kezeńde olar qanshama halyqqa qorǵan bolyp, úiine kirgizip, aman alyp qaldy. Meniń ájem men ákem de soǵys kezinde Almatyda bolypty. Sol jyldary Qazaqstan kóptegen ýkrainalyqty panalatty. Almatynyń aport almasy men jergilikti halyqtyń meiirimdiligi ákemniń esinde erekshe saqtalyp qalǵan eken. Mine eki eldiń arasyndaǵy genetikalyq sipatqa ie bailanys degen osy. Men de, meniń balalarym da bul jaqsylyqty biledi», - deidi ýkrainalyq jýrnalist «SOL» atty avtorlyq baǵdarlamada.
Suhbattyń tolyq nusqasyn myna siltemeden kórýge bolady.
