Memleket basshysy Qasym-Jomart Toqaevtyń tóraǵalyǵymen ótken Ulttyq qoǵamdyq senim keńesiniń úshinshi otyrysynda aitylǵan máseleler men bastamalarǵa qatysty Ulttyq qoǵamdyq senim keńesiniń múshesi Raýan Kenjehanuly sarapshylyq pikirin bildirdi, dep habarlaidy "Ult aqparat".
Onlain ótken otyrysqa qoǵam qairatkeri ózi de qatysyp mektepterdiń bir aýysymǵa kóshýi men qashyqtyqtan oqytý máselelerin kótergen edi.
«Búgingi ótken keńeste bilim berý júiesine erekshe basymdyq berildi. Bul salany odan ári jan-jaqty damytý máseleleri talqylanyp naqty usynystar aityldy. Bilim berý salasyndaǵy kóp máseleler qarjylandyrýǵa bailanysty ekeni anyq. Eń ozyq 10 eldiń qarajaty men bizdiń biýdjetti salystyrǵanda 10 ese alshaqtyq baiqalady. Naqty mysaldardy Prezidenttiń ózi keltirdi jáne úkimet pen bilim ministrligine tapsyrma berdi. Bolashaqta osy máseleni kezeń-kezeńmen oryndaýdy tapsyrdy. Bul bilim salasynyń damýyna, muǵalimder men jastardyń bolashaǵyna qoldaý bolyp tabylady», - dedi ol.
Sondai-aq, ol Qazaqstannyń damyǵan memleketter qatarynan oryn alýyna eshteńe kedergi bolmaýy tiis ekenin aitty.
«Memleket basshysy keńes múshelerinen túsken usynystardy da qoldaǵanyn tilge tiek etti. «Máselen, qashyqtan oqytýǵa bailanysty tehnologiialardy keńinen engizý máselesi qoldaý tapty. Árine, bir keńespen nemese bir jiynmen máseleniń bárin sheship tastaý múmkin emes. Eń mańyzdysy bul protsess jandandy. Men osy salamen ainalysyp júrgen maman jáne keńes múshesi retinde búgingi ótken jiynnyń sheshimderimen kelisemin»,– dedi Raýan Kenjehanuly.
Aita keteiik, QR Prezidenti Qasym-Jomart Toqaevtyń tóraǵalyǵymen Ulttyq qoǵamdyq senim keńesiniń úshinshi otyrysy onlain formatta ótti. Kezekti otyrystyń taqyryby adami kapitaldy damytýǵa,ǵylym, bilim berý, densaýlyq saqtaýǵa arnaldy.
