مەملەكەت باسشىسى قاسىم-جومارت توقاەۆتىڭ تٶراعالىعىمەن ٶتكەن ۇلتتىق قوعامدىق سەنٸم كەڭەسٸنٸڭ ٷشٸنشٸ وتىرىسىندا ايتىلعان مەسەلەلەر مەن باستامالارعا قاتىستى ۇلتتىق قوعامدىق سەنٸم كەڭەسٸنٸڭ مٷشەسٸ راۋان كەنجەحانۇلى ساراپشىلىق پٸكٸرٸن بٸلدٸردٸ, دەپ حابارلايدى "ۇلت اقپارات".
ونلاين ٶتكەن وتىرىسقا قوعام قايراتكەرٸ ٶزٸ دە قاتىسىپ مەكتەپتەردٸڭ بٸر اۋىسىمعا كٶشۋٸ مەن قاشىقتىقتان وقىتۋ مەسەلەلەرٸن كٶتەرگەن ەدٸ.
«بٷگٸنگٸ ٶتكەن كەڭەستە بٸلٸم بەرۋ جٷيەسٸنە ەرەكشە باسىمدىق بەرٸلدٸ. بۇل سالانى ودان ەرٸ جان-جاقتى دامىتۋ مەسەلەلەرٸ تالقىلانىپ ناقتى ۇسىنىستار ايتىلدى. بٸلٸم بەرۋ سالاسىنداعى كٶپ مەسەلەلەر قارجىلاندىرۋعا بايلانىستى ەكەنٸ انىق. ەڭ وزىق 10 ەلدٸڭ قاراجاتى مەن بٸزدٸڭ بيۋدجەتتٸ سالىستىرعاندا 10 ەسە الشاقتىق بايقالادى. ناقتى مىسالداردى پرەزيدەنتتٸڭ ٶزٸ كەلتٸردٸ جەنە ٷكٸمەت پەن بٸلٸم مينيسترلٸگٸنە تاپسىرما بەردٸ. بولاشاقتا وسى مەسەلەنٸ كەزەڭ-كەزەڭمەن ورىنداۋدى تاپسىردى. بۇل بٸلٸم سالاسىنىڭ دامۋىنا, مۇعالٸمدەر مەن جاستاردىڭ بولاشاعىنا قولداۋ بولىپ تابىلادى», - دەدٸ ول.
سونداي-اق, ول قازاقستاننىڭ دامىعان مەملەكەتتەر قاتارىنان ورىن الۋىنا ەشتەڭە كەدەرگٸ بولماۋى تيٸس ەكەنٸن ايتتى.
«مەملەكەت باسشىسى كەڭەس مٷشەلەرٸنەن تٷسكەن ۇسىنىستاردى دا قولداعانىن تٸلگە تيەك ەتتٸ. «مەسەلەن, قاشىقتان وقىتۋعا بايلانىستى تەحنولوگييالاردى كەڭٸنەن ەنگٸزۋ مەسەلەسٸ قولداۋ تاپتى. ەرينە, بٸر كەڭەسپەن نەمەسە بٸر جيىنمەن مەسەلەنٸڭ بەرٸن شەشٸپ تاستاۋ مٷمكٸن ەمەس. ەڭ ماڭىزدىسى بۇل پروتسەسس جانداندى. مەن وسى سالامەن اينالىسىپ جٷرگەن مامان جەنە كەڭەس مٷشەسٸ رەتٸندە بٷگٸنگٸ ٶتكەن جيىننىڭ شەشٸمدەرٸمەن كەلٸسەمٸن»,– دەدٸ راۋان كەنجەحانۇلى.
ايتا كەتەيٸك, قر پرەزيدەنتٸ قاسىم-جومارت توقاەۆتىڭ تٶراعالىعىمەن ۇلتتىق قوعامدىق سەنٸم كەڭەسٸنٸڭ ٷشٸنشٸ وتىرىسى ونلاين فورماتتا ٶتتٸ. كەزەكتٸ وتىرىستىڭ تاقىرىبى ادامي كاپيتالدى دامىتۋعا,عىلىم, بٸلٸم بەرۋ, دەنساۋلىق ساقتاۋعا ارنالدى.
