«Ulttyq aýdarma biýrosy» qoǵamdyq qorynyń atqarýshy direktory Raýan Kenjehanuly Prezident Qasym-Jomart Toqaevtyń Qazaqstan halqyna Joldaýyna qatysty pikir bildirdi, dep habarlaidy QazAqparat.
«Biz búgingi Joldaýdy asyǵa kúttik. Sebebi, qazirgi qalyptasqan jaǵdai memleketten aiqyn jospar men belsendi áreketti talap etedi. Búgingi Joldaýda sol jospar men árekettiń naqty baǵyttaryn estidik. Endi osy baǵytta bárimiz judyryqtai jumylyp jumys isteýimiz kerek», – deidi Raýan Kenjehanuly.
Sonymen qatar, ol kásipkerlikti qoldaý - kezek kútirmeitin másele ekenin atap ótti.
«Kásipkerlerdi sýbsidiia arqyly yntalandyrý - óte durys sheshim. Salyqty qaita qaraý máselesi de kóterildi. Ǵimaratty jalǵa alyp otyrǵan shaǵyn jáne orta biznes ókilderine de jeńildik qarastyrý kerektigi aityldy. Ony da qoldaimyn. Óitkeni, pandemiia dál osy salaǵa salmaq túsirdi. Sondai-aq, Joldaýda kásipkerlerdiń jańa býynyn ósirý týraly sóz qozǵaldy. Bul bizdiń naryqqa aýadai qajet. Sebebi, kásipkerler ortasy jasarmai jáne jańa kúsh kelmei bul saladan ózgeris kúte almaisyń. Jalpy, kásipkerlikti qoldaý - kezek kúttirmeitin másele», – dep atap ótti ol.
Raýan Kenjehanuly Joldaýda aitylǵan demografiialyq ósimge qatysty da oi qosty.
«Bizdiń eldegi demografiialyq ósimge qaitadan den qoiyldy. Prezidenttiń aitqan «Ańsaǵan sábi» baǵdarlamasy - óte oryndy jáne igi bastama», – dep qortyndylady oiyn Raýan Kenjehanuly.
