Rasýl Jumaly elshi bolyp taǵaiyndaldy, - dep habarlaidy "Ult aqparat" Aqordaǵa silteme jasap.
"Memleket basshysynyń Jarlyǵymen Rasýl Bereketuly Jumaly Qazaqstan Respýblikasynyń Livan Respýblikasyndaǵy tótenshe jáne ókiletti elshisi laýazymyna taǵaiyndaldy", - delingen Prezident Jarlyǵynda.
Rasýl Bereketuly Jumaly 1971 jyly 15 aqpanda Almaty qalasynda dúniege kelgen.
Ál-Farabi atyndaǵy Qazaq Memlekettik ýniversitetiniń Shyǵystaný fakýltetin bitirgen.
1992-2007 jyldar aralyǵynda memlekettik qyzmette: Qazaqstan Respýblikasynyń Syrtqy ister ministrliginde jáne Úkimetinde, sondai-aq Mysyr, Birikken Arab Ámirlikteri, Izrail, Liviia, birqatar basqa memleketterde jumys atqarǵan.
2007 jyldan beri "Ekskliýziv" jýrnalynyń bas redaktory. Saiasattanýshy. 150-ge tarta maqalalary men saraptamalyq eńbekteri jaryq kórdi. "Geopolitika Tsentralnoi Azii. O bylom i nasýshnom" atty kitaptyń avtory.
