Túrkistan qalasynyń ákimi Rashid Aiýpov Táýelsizdiktiń 29 jyldyǵyna orai oblys ortalyǵynda túrli salada qyzmet etip júrgen 29 azamatqa Memlekettik týdy tabystap, merekemen quttyqtady. Bul azamattardyń qatarynda qalanyń damýy men tynys-tirshiliginde orasan-zor eńbek etip júrgen jandar bar, dep habarlaidy "Ult aqparat".
Shahar basshysy «Túrkistan jaryq-tazalyq», «Jylý», «Túrkistan-Sý» mekemelerinde santehnik, ot jaǵýshy, júk artýshy, sypyrýshy, kúzetshi bolyp qyzmet etip júrgen azamattarǵa alǵys hatyn da qosa berdi. Odan ózge, ákimdiktiń derbes bólim basshylary bilim, dárihana, naýbaihana, jedel meditsinalyq járdem syndy mekeme mamandaryna tabystady.
Aita keteiik, jýyq arada Memlekettik týdy paidalaný aiasy zańnamalyq turǵyda keńeitilgen edi. Elimiz Týyn jeke jáne zańdy tulǵalar ǵimarattarda, onyń ishinde balkondarda jáne saltanatty is-sharalar ótkiziletin oryndarda patriottyq sezimderin, qazaqstandyq biregeiligin bildirý úshin, el azamattarynyń jetistikterin qoldaý maqsatynda paidalana alady.
