Rashid Aiýpov Kentaý qalasynyń ákimi bolyp taǵaiyndaldy, - dep habarlaidy "Ult aqparat" Túrkistan oblysy ákimdiginiń baspasóz qyzmetine silteme jasap.
"Oblys ákimi Ómirzaq Shókeevtiń ókimimen, Prezident ákimshiliginiń kelisimimen Kentaý qalasynyń ákimi bolyp Rashid Aiýpov taǵaiyndaldy", - delingen habarlamada.
Oblys ákimi jańa ákimdi tanystyrý kezinde onyń jumysyna sáttilik tilep, turǵyndardyń ál-aýqatyn jaqsartý úshin áleýmettik-ekonomikalyq baǵytttaǵy jumystardy kúsheitýdi tapsyrdy. Sondai-aq, Memleket basshysynyń tapsyrmalaryn merzimdi ári nátijeli oryndaýdy basty nazarǵa alýdy mindettedi.
100 myńnan asa turǵyny bar Kentaý qalasynyń jańa ákimine úlken jaýapkershilik júktelip otyrǵanyn aityp, abyroily eńbek etetinine senim bildirdi.
