Memleket basshysynyń Jarlyǵymen Rápil Seiithanuly Joshybaev ókilettik merzimi aiaqtalýyna bailanysty EKSPO-2017 halyqaralyq mamandandyrylǵan kórmesiniń Komissary qyzmetinen bosatyldy, dep habarlaidy "Ult aqparat" Aqordanyń baspasóz qyzmetine silteme jasap.
Rápil Seiithanuly 1963 jyly dúniege kelgen. Qyrǵyz Memlekettik ýniversitetin, Sankt-Peterbýrg Ekonomika jáne qarjy ýniversitetin támamdaǵan. Ekonomika ǵylymdarynyń doktory. Aǵylshyn tilin meńgergen. Birinshi synypty Tótenshe jáne Ókiletti Ýákil diplomattyq dárejesi bar.
1985 jyldan ǵylymi jumyspen ainalysqan.
1993 jyldan Qazaqstan Respýblikasy Syrtqy ister ministrliginiń Halyqaralyq ekonomikalyq qatynastar basqarmasynyń úshinshi hatshysy, ekinshi hatshysy.
1996 jyldan Qazaqstan Respýblikasy Syrtqy ister ministrligi TMD departamentiniń bólim bastyǵy.
1998 jyldan Qazaqstan Respýblikasynyń Baltyq elderindegi Elshiliginiń birinshi hatshysy, keńesshisi.
2000 jyldyń tamyzynan Qazaqstan Respýblikasy Prezidentiniń Hattama qyzmeti bastyǵynyń orynbasary.
2003 jyldyń shildesinen Qazaqstan Respýblikasy Prezidenti Ákimshiliginiń Konfessiiaaralyq qatynastar jónindegi bóliminiń meńgerýshisi.
2004 jyldyń qazanynan Qazaqstan Respýblikasy Syrtqy ister ministriniń orynbasary.
2007 jyldyń qazanynan Qazaqstan Respýblikasy Syrtqy ister ministrliginiń jaýapty hatshysy.
Al 2013 jyldyń aqpanynan EKSPO-2017 halyqaralyq mamandandyrylǵan kórmesiniń Komissary laýazymynda qyzmet etti.
