Memleket basshysynyń Jarlyǵymen Rápil Seiithanuly Joshybaev Qazaqstan Respýblikasynyń Qyrǵyz Respýblikasyndaǵy Tótenshe jáne Ókiletti Elshisi laýazymyna taǵaiyndaldy, dep habarlaidy "Ult aqparat" Aqordaǵa silteme jasap.
Rápil Seiithanuly Joshybaev 1963 jyly 22 tamyzda Jambyl oblysynda dúniege kelgen. Qyrǵyz memlekettik ýniversitetin, Sankt-Peterbýrg ekonomika jáne qarjy ýniversitetin bitirgen. Ekonomika ǵylymdarynyń doktory.
Óziniń diplomatiialyq qyzmetin 1993 jyly QR SIM Halyqaralyq ekonomikalyq qatynastar basqarmasynyń úshinshi hatshysy retinde bastady. Qazaqstannyń Litvadaǵy elshiliginde jumys istedi. QR Prezidenti Protokoly basshysynyń orynbasary, QR Prezidenti Ákimshiliginiń Konfessiiaaralyq qatynastar jónindegi bóliminiń meńgerýshisi boldy.
2004-2007 jyldary QR Syrtqy ister ministriniń orynbasary qyzmetin atqardy. Sondai-aq, QR SIM Jaýapty hatshysy, QR Syrtqy ister ministriniń birinshi orynbasary, EKSPO-2017 Halyqaralyq mamandandyrylǵan kórmesiniń komissary laýazymdaryn atqardy. 2018-2019 jyldary «Halyqaralyq jasyl tehnologiialar jáne investitsiialyq jobalar ortalyǵy» KEAQ basqardy.
Qazaqstannyń Qyrǵyzstandaǵy Elshisi bolyp taǵaiyndalǵanǵa deiin QR SIM Erekshe tapsyrmalar jónindegi elshisi bolǵan.
