Sheshenstan basshysy Ramzan Qadyrov gýmanitarlyq operatsiia aiasynda Iraktyń Tal-Afar qalasynan alty reseilik pen alty qazaqstandyq azamattyń evakýatsiialanǵanyn aitty, - dep habarlaidy RIA Novosti.
"Irakta júrgizilgen gýmanitarlyq operatsiianyń kezekti kezeńinde Resei men TMD elderiniń azamattary qutqaryldy. Operatsiiany uiymdastyrý úshin Irakka Taiaý Shyǵys pen Soltústik Amerikadaǵy Sheshenstan ókilderin jáne senator Ziiad Sabsabidi jiberdim. Jaqynda Tal-Afar qalasyn bosatyp, 12 adamdy qaýipsiz jerge kóshirdik. Olardyń arasynda Resei men Qazaqstan azamattary bar", - dep jazdy Ramzan Qadyrov Instagram jelisindegi paraqshasynda.
Sondai-aq, ol taǵy da reseilik alty azamattyń Irakta ekenin aityp ótti.
"Ázirshe biz operatsiianyń mán-jaiyn aityp bere almaimyz. Sebebi ol sonda júrgen azamattardyń ómirine qaýip tóndirýi múmkin. Bir ǵana málimetti aita alamyn, Reseidiń taǵy alty azamaty sol jaqta júr, olar menen kómek surady. Sabsabi izoliatorlardyń birinde olarmen kezdese aldy. Jaǵdailary qiyn. Biraq biz jedel túrde osy máseleni sheshýge tyrysyp jatyrmyz", - dedi Sheshenstan basshysy Ramzan Qadyrov.
Qadyrovtyń aitýynsha, adamdardy bosatý operatsiiasyna Iraktyń arnaiy qyzmetindegiler men quqyq qorǵaý organdary qatysyp jatyr.
