Shyǵys Qazaqstan oblysynda koronavirýs pandemiiasyna bailanysty Memlekettik rámizder kúnine orai 5 myńnan astam adam qamtylǵan is-sharalar onlain ótkizildi, dep habarlaidy "Ult aqparat".
ShQO aqparat ortalyǵynyń málimetine súiensek, mereke qarsańynda Óskemen qalasyndaǵy mektep oqýshylary arasynda «Bul - meniń Týym!», «Bul - meniń Ánuranym!», «Bul - meniń Eltańbam!» taqyryptarynda esse jazý jáne sýret salý baiqaýy jariialanǵan. Sondai-aq shahar jastary «Meniń rámizderim - meniń maqtanyshym» internet-aktsiiasy aiasynda Memlekettik rámiz fonynda túsken fotosýretterin áleýmettik jelige saldy.
Memlekettik rámizder kúni ánuran aitýdan bastaldy. Osydan keiin Qazaqstan taýynyń bókterinen tý men eltańba beinelengen shar ushyryldy. Budan bólek, Ertis ózeniniń boiynda 40 týy bar qaiyq sherýi ótkizildi.
Al Semeide patriottyq ánderdiń onlain-baiqaýy ótti. Aýdandarda «Meniń týym - meniń maqtanyshym» fleshmoby, Memlekettik rámizder kórmesi, onlain-viktorina uiymdastyrylyp, etnomádeni birlestik músheleri ázirlegen beinerolik kórsetildi.
Nur Otan partiiasynyń «Meniń Týym, Meniń Otanym» atty aktsiiasynyń aiasynda elimizdiń kók bairaǵy saýda ortalyqtary men oqý oryndaryna, alańdar men kóshelerge ilindi.
«Meniń týym» aktsiiasy aiasynda kópqabatty úilerdiń balkondaryna 223 Memlekettik tý ornatyldy.
