Biylǵy Ramazan aiy sáýir aiynda bastaý aldy. Qazaq halqy «Sáýir bolmai, táýir bolmas» dep beker aitpasa kerek. Ótken jyldan beri kóptegen qiyndyqtardy bastan ótkerip jatqan elimiz, biylǵy Ramazan aiyn da kópshiliksiz, úide qarsy alýǵa májbúr boldy. Álemdik pandemiia osyǵan ákeldi. Osy oraida Mańǵystaý oblysynda Qazaqstan halqy Assambleiasynyń uiymdastyrýymen Ramazan aiynda qaiyrymdylyq aktsiiasy ótti, - dep habarlaidy «Ult aqparat».
Atalǵan aktsiia aiasynda mańǵystaýlyq Qazaqstan halqy Assambleiasynyń músheleri otyzǵa jýyq otbasyǵa azyq-túlik sebetin úlestirdi.
«Mańǵystaý oblystyq Qazaqstan halqy Assambleiasy búgin osyndai igi is istep, mańǵystaýlyqtardy qaiyrymdylyqqa, jaqsylyq jasaýǵa shaqyryp jatyr. Bizdiń negizgi maqsatymyz, qasietti Ramazan aiynda bir shańyraq astynda ómir súrip jatqan túrli ult ókilderiniń bereke-birligin kórsete otyryp, qaiyrymdylyq jasaý bolyp tabylady. Biz bul maqsatymyzǵa tolyqtai jettik dep oilaimyz. Endi aldaǵy bir ai boiy osyndai qaitsyrymdy isterdi ár óńirdiń Dostyq úileri men Assambleia filialdarynan kútemiz», - deidi uiymdastyrýshylar.
Bul sharaǵa arnaiy qatysqan Mańǵystaý oblysy QHA Kásipkerler qaýymdastyǵynyń múshesi, Mańǵystaý aýdany Analar keńesiniń tóraǵasy Abdýlaeva Túimesh qasietti Ramazan aiyndaǵy qaiyrymdylyq týraly sóz qozǵady.
«Assambleianyń uiymdastyryp otyrǵan aktsiiasy barlyq óńirlerge úlgi bolarlyq dep senimmen aita alamyn. Biyl ekinshi jyl qatarynan Ramazan aiy pandemiia ýaqytymen ótip jatyr. Jamaǵatpen aýyz ashý, juma namazy degenderge tyiym salynǵanymen, azamattar óz úilerinde paryzdaryn ótei alady. Sonymen qatar, qaiyrymdylyqpen ainalysyp, jaqsylyq istep jarysa alady. Búgingi Mańǵystaý óńirinde oryn alyp jatqan qaiyrymdylyq aktsiiasy sonyń birden-bir dáleli», - dedi Mańǵystaý aýdany Analar keńesiniń tóraǵasy Túimesh Abdýlaeva.
Sonymen qatar, Mańǵystaý oblysy QHA Kásipkerler qaýymdastyǵynyń atynan qatysqan «Bereket-F» JShS bas direktory Zareta Fatalieva jaqsylyq jasap jarysqan árbir azamatqa óz alǵysyn bildirdi.
«Osyndai qiyn ýaqytta múmkindiginshe muqtaj adamdarǵa kómektesý kerek. Qasietti Ramazan aiynda igi ister jasaý árbir musylmannyń paryzy dep bilemiz», - dep atap ótti «Bereket-F» JShS bas direktory jáne lezgin etnomádeni birlestiginiń múshesi Zareta Fatalieva.
Esterińizge sala keteiik, Mańǵystaý oblysynda Qazaqstan halqy Assambleiasynyń uiymdastyrýymen Ramazan aiynda qaiyrymdylyq aktsiiasy ótti. Atalǵan aktsiia aiasynda mańǵystaýlyq Qazaqstan halqy Assambleiasynyń músheleri otyzǵa jýyq otbasyǵa azyq-túlik sebetin úlestirdi. Bul sharaǵa Mańǵystaý oblysy QHA Kásipkerler qaýymdastyǵynyń múshesi, Mańǵystaý aýdany Analar keńesiniń tóraǵasy Abdýlaeva Túimesh pen Mańǵystaý oblysy QHA Kásipkerler qaýymdastyǵynyń atynan «Bereket-F» JShS bas direktory Zareta Fatalieva qatysty.
Aita keteiik, biylǵy Ramazan aiy 13 sáýirde bastalyp, 12 mamyrda aiaqtalady. Al pitir sadaqa mólsheri 420 teńge dep belgilengen. Sonymen birge, Láilátúl-Qadir nemese Qadir túni 2021 jyldyń 8 mamyrynan 9 mamyryna qaraǵan túnge sai keledi. Al úsh kúnge sozylatyn Oraza ait meiramynyń birinshi kúni 13 mamyr kúnge túsip tur eken.
