Akter ári stsenarist Ramazan Amantai áleýmettik jelide óziniń syrtqy kelbetine qatysty pikir bildirgenderge ún qatty, dep habarlaidy ult.kz.
Óner iesiniń aitýynsha, keibir qoldanýshylar onyń dene bitimi men salmaǵyn talqylap, bul máselege bailanysty túrli syn aitqan. Tipti akterdiń ónerden ketkenin qalaityn pikirler de jazylǵan.
Ramazan Amantai mundai kózqaraspen kelispeitinin jetkizdi. Onyń sózinshe, adamnyń ónerdegi ornyn onyń syrtqy kelbeti emes, kásibi qabileti men shyǵarmashylyq eńbegi aiqyndaýy tiis.
Akter ózine aitylǵan jaǵymsyz pikirlerge bola óner jolynan bas tartpaitynyn da atap ótti. Ol shyǵarmashylyǵyn ári qarai jalǵastyra beretinin málimdedi.
Jeli qoldanýshylarynyń bir bóligi akterdi qoldap, adamnyń dene bitimin talqylap, onyń kásibi jumysyna baǵa berýdiń orynsyz ekenin jazdy.
