Qazaq ádebieti aýyr qazaǵa ushyrady... Búgin 62 jasqa qaraǵan shaǵynda Qazaqstannyń eńbek sińirgen qairatkeri, Mahambet syilyǵynyń laýreaty, jazýshy-dramatýrg Rahymjan Otarbaev dúnieden ozdy.
Rahymjan Otarbaev 1956 jyly 19 qazanda Atyraý oblysy Qurmanǵazy aýdanynda dúniege kelgen. 1977 jyly Oral pedagogika institýtyn támamdaǵan. Ár jyldarda «Oral óńiri» gazetinde tilshi, qazaq tili men ádebieti pániniń muǵalimi, Qazaq teleradio komitetinde redaktor, «Qazaq ádebieti» gazetinde, «Jalyn» almanahynda bólim meńgerýshisi, Qyrǵyzstanda Qazaqstan elshiliginiń attashesi, Mańǵystaý oblystyq radiotelevidenie kompaniiasynyń tóraǵasy, Atyraý oblystyq drama teatrynyń direktory, QR Prezidenti Ákimshiliginde sektor meńgerýshisi, Astanadaǵy Ulttyq akademiialyq kitaphananyń Bas direktory qyzmetterinde bolǵan.
Onyń ár jyldary «Sher», «Juldyzdar qulaǵan jer», «Jaiyq jyry», «Qarasha qazdar qaitqanda», «Daýysyńdy estidim», «Otverjennyi mir» atty prozalyq jinaqtary jáne tańdamaly shyǵarmalarynyń 2 tomdyǵy jaryq kórgen. Qytaidyń «Ulttar» baspasynan qytai, qazaq tilinde 2 tomdyǵy, Reseidiń «Hýdojestvennaia literatýra» baspasynan orys tilinde bir tomdyǵy jáne qyrǵyz tilinde kitaptary jaryq kórgen. Jekelegen shyǵarmalary túrik, arab, aǵylshyn tilderinde basylǵan. «Beibarys sultan», «Bas», «Nashaqor jaily novella», «Nurjaýǵan-ǵumyr», «Syrym batyr», «Mustafa Shoqai» syndy pesalary respýblikalyq jáne shetel teatrlarynda sahnalanǵan.
Mahambet syilyǵynyń laýreaty. Qazaqstannyń eńbek sińirgen qairatkeri. Halyqaralyq Aitmatov akademiiasynyń akademigi. 2013 jyly QR Prezidentiniń jarlyǵymen joǵarǵy memlekettik marapaty Parasat ordenimen marapattalǵan.
Ult portalynyń redaktsiiasy jazýshynyń otbasyna, jaqyn aǵaiyn-týystaryna hám bútin qazaq jurtshylyǵyna qaiǵyryp kóńil aitady!
Raxymjan Otarbaevtyń janaza namazy 20 aqpan kúni tańerteń 9.00-de óz úiinde oqylady (Atyraý qalasy, mkr.Atyraý, 47 ótkel, 13 úi). 10.00-de Maxambet atyndaǵy akademiialyq qazaq drama teatrynda qoshtasý rásimi ótedi.
