Elimizde koronavirýs pandemiiasymen kúres jónindegi «El úshin egilemin» azamattyq shtabynyń músheleri Shyǵys Qazaqstan oblysyna keldi. Shtabtyń qurylýyna muryndyq bolǵandardyń biri Rahym Oshaqbaevtyń aitýynsha, qazirgi ýaqytta óńirlerde vaktsina alýdy nasihattaityn eriktiler tartylýda, dep habarlaidy QazAqparat.
«Qazaqstanda koronavirýs juqtyrý kórsetkishi kúrt ósip ketti. Osy aida kún saiyn qaýipti dertke shaldyqqandar 7 myńnan asyp, emdelip jatqandar sany 118 myńǵa jýyqtap otyr. Bul ótken jyldyń tamyz aiymen salystyrǵanda 6 esege artyq. Sońǵy aptalarda elimizde kún saiyn 100-den astam adam virýstan kóz jumýda», - deidi ol.
Rahym Oshaqbaevtyń aitýynsha, byltyr indetke qarsy turý úshin lokdaýn engizilgen bolatyn. Al osy jyly koronavirýsty jeńýdiń eń tiimdi ádisi – vaktsina paida boldy.
«El úshin egilemin» azamattyq shtabynyń maqsaty – halyqqa vaktsina alýdy nasihattaý, jalǵan aqparattarǵa senbeýge shaqyrý. Rasymende azamattardyń ekpe jaily suraqtary jeterlik. Mine, biz dárigerler, túrli mamandar, sarapshylar arqyly sol saýaldardyń jaýabyn tabýǵa kómektesemiz. Búginde qatarymyzǵa óńirlerden eriktilerdi, belsendi jastar men meditsina qyzmetkerlerin tartýdamyz. Niet bildirgender bolsa qushaq jaia qarsy alamyz. Indetti birlesip jeńeiik!», - deidi Oshaqbaev.
