«Talap» qoldanbaly zertteýler ortalyǵynyń basshysy Rahym Oshaqbaev Qazaqstanda memlekettik basqarýdy odan ári damytý boiynsha óz usynystaryn bildirdi, dep habarlaidy QazAqparat.
Sarapshynyń pikirinshe, neǵurlym tiimdi memlekettik basqarý men azamattardyń basqarýshylyq sheshimderdi qalyptastyrýǵa qatysýyna suranys álemdik trendke ainalyp otyr.
«Júrgizilgen taldaý memlekettik apparattyń jumysyn qaita formattaý, ekonomikadaǵy memlekettiń úlesin qysqartý, azamattyq qoǵamdy memlekettik saiasatty ázirleýge tartý jáne basqarýshylyq sheshimderdi qabyldaý qajettigin kórsetti. Problemaly aimaqtar arasynda biz mynalardy anyqtadyq: josparlaýdyń tar sheńberi nemese «shotermizm», memlekettik josparlaýdyń úlken júiesi, memlekettik fýnktsiialardyń artyqtyǵy jáne qaitalanýy, memlekettik apparattyń tehnologiialylyǵy men tsifrlanýynyń tómen deńgeii, sondai-aq memlekettik apparattyń azamattarmen ózara is-qimyl tetikteriniń tiimsizdigi. Paradigmany aýystyryp, túbegeili jańa tásilderdi engizý qajet», - deidi Rahym Oshaqbaev Qazaqstandy modernizatsiialaý jáne júieli reformalardy júrgizý máseleleri boiynsha zertteý jumystaryn tanystyrý kezinde.
Aita ketsek, búgingi onlain baspasóz máslihatynda Álemdik ekonomika jáne saiasat institýtynyń sarapshylary eldi jańǵyrtý máseleleri boiynsha júrgizilgen júieli saraptamalyq zertteý nátijelerin tanystyrǵan bolatyn. Ǵylymi jobanyń basty qorytyndylary onlain-kórsetilim barysynda tanystyryldy. Aýqymdy zertteý jumysy QR Tuńǵysh Prezidenti – Elbasy Qorynyń tapsyrmasy boiynsha 2019 jyly bastalǵan.
