2015 jylǵy bes institýtsionaldyq reforma Qazaqstannyń qazirgi baǵytynyń trendin aiqyndap berdi.
Qazaqstan sarapshylar klýbynyń Facebook-tegi paraqshasynda ótken pikirtalas alańynda «Talap» qoldanbaly zertteýler ortalyǵynyń direktory Rahym Oshaqbaev osyndai pikir bildirdi, dep habarlaidy QazAqparat.
«2015 jylǵy bes institýtsionaldyq reforma Qazaqstannyń qazirgi baǵytynyń – aitarlyqtai ashyqtyǵyn, eseptiligin, aýqymdy qoǵamdyq pikirtalas trendin aiqyndap berdi. Bul bloktar ásirese besinshi qadamda ashyqtyq jáne esep beretin memleket baǵytynda aiqyn kóringen edi», - dedi Rahym Oshaqbaev osy baǵytta júrgizilgen zertteýler qorytyndysyn jariialai otyryp.
Sarapshy sonymen qatar Memleket basshysy Qasym-Jomart Toqaevtyń bastamasyna toqtaldy.
«Prezident Qasym-Jomart Toqaevtyń «Halyq únine qulaq asatyn memleket» tujyrymy Úkimettiń esep berýine basymdyq berip otyr. Tiisinshe atalmysh qujat azamattardyń konstrýktivti saýaldaryna jedel jaýap beredi. Bul kontseptsiianyń qyry men mehanizmderi boiynsha áli de jumys júrgizý kerek», - dedi ol.
Sarapshy sonymen qatar 2015 jyly áleýmettik-saiasi aspektige yqpalyn tigizgen ózgeristerdi atap ótti.
«2015 jyly jahandyq megatrendtiń, aiqyn baǵyt taba almaýy men ortalyqtanýǵa qarsylyq, ózgeristerdiń jyldam júrýi, bilik institýtyna degen senimsizdikti baiqadyq. Bul bizdiń oiymyzsha keiingi on jyldaǵy aqparattyq-kommýnikatsiialyq tóńkeristiń áseri. Internet pen áleýmettik jeliniń qoljetimdiligi, áleýmettik kapitaldyń ósimi – popýlizm men bilik institýttaryna degen daǵdarysty órshitkeni anyq», - deidi sarapshy.
