kollaj: Tengrinews.kz
Qazaqstandyq sportshy, jartylai jeńil salmaqtaǵy UFC faiteri Shavkat Rahmonov shved faiteri Hamzat Chimaevpen bolýy múmkin jekpe-jek týraly pikir bildirdi, - dep habarlaidy Tengrinews.kz tilshisi Vesti.kz saityna silteme jasap.
Rahmonov ony nege qazir jekpe-jekke shaqyrmai júrgenin túsindirdi.
"Eger biz reitingte jaqyn bolsaq jáne UFC bul jekpe-jekti uiymdastyratyn bolsa, men oǵan kelisemin. Biraq qazir ony jekpe-jekke shaqyratyn ýaqyt emes, óitkeni ol alda titýl úshin judyryqtasýy múmkin. Al men onyń reitingine jetkende mindetti túrde jekpe-jek ótkizemiz.
Biraq ol meni múlde tańǵaldyrmaidy. Onyń ádisterinen erekshe eshteńe baiqamadym. Chimaev - jaqsy sportshy, segizburyshta tamasha jumys isteidi, qarsylastaryna uqsamaidy, ózin barlyq jaǵynan senimdi ustaidy. Eger biz jekpe-jek ótkizetin bolsaq, bul basqa aiqas, basqa jekpe-jek bolýy múmkin", - dedi Rahmonovtyń sózin Fightnews.info Sportskeeda.com saityna silteme jasap.
