Foto: ShQO ákimdigi
Shipajai aktivteri "Samuryq-Qazyna" holdinginiń elektrondy saýda alańyna shyǵarylǵan. Memlekettik organ balansyna alynǵan múliktiń jalpy quny 3 mlrd teńgeden asady, dep habarlaidy Ult.kz inbusiness.kz-ke silteme jasap.
Ekinshi kezeń aiasynda shipajaidyń 1,5 mlrd teńgege baǵalanǵan jyljymaly jáne jyljymaityn múlki memleketke berildi. Onyń ishine jalpy aýdany 7 myń sharshy metrdi quraityn turǵyn úiler, angarlar, monsha, sorǵy stantsiiasy, garajdar, baqylaý beketteri jáne basqa da nysandar kiredi. Sondai-aq turmystyq jáne keńse tehnikalary, jihazdar, qaiyqtar, teledidarlar men meditsinalyq jabdyqtar bar.
Buǵan deiin 2024 jyldyń tamyz aiynda memlekettik organdardyń balansyna jalpy quny 1,6 mlrd teńgeden asatyn 65 jyljymaityn múlik berilgen bolatyn. Ol kezde keibir múlikter sot sheshimi bolmaǵandyqtan tizimge enbei qalǵan.
Shyǵys Qazaqstan oblysy ákimdiginiń málimetinshe, shipajai ýaqytsha oblystyq kásipkerlik basqarmasyna berildi. Aldaǵy ýaqytta ony qalpyna keltirý úshin investorlar izdelmek. Biraq shipajaidy qaitadan jeke menshikke berý jaǵy qazir qarastyrylyp jatqan joq.
Aita keteiik, "Rahman qainary" shipajaiy 1964 jyly ashylǵan. Sýynyń shipalyq qasieti onyń quramyndaǵy kómir qyshqylynyń, radonnyń moldyǵynda. Ol túrli aýrý men jarany emdeýde qoldanylady. Shipajaidyń burynǵy iesi Anatolii Balýshkin "BIPEK AVTO – AZIIa AVTO" AQ basshysy bolǵan.
