Prezident Qasym-Jomart Toqaev Atyraý oblysynyń jurtshylyǵymen kezdesýde eldiń qaýipsizdigi men tutastyǵy týraly sóz qozǵady, - dep habarlaidy "Ult aparat" Aqordanyń baspasóz qyzmetine silteme jasap.
«Qazaqstan – zaiyrly memleket. Konstitýtsiiamyzda din bostandyǵyna kepildik berilgen. Biraq, zaiyrly jáne tózimdi, tolerantty bolý degenimiz – bárine kóz juma qarap, jaibaraqat otyrý degen sóz emes.
Biz eldiń qaýipsizdigi men tutastyǵyna nuqsan keltirýge eshqashan jol bermeimiz. Radikaldy aǵymdar men dini separatizmge ortamyzda oryn joq. Babalarymyz ǵasyrlar boiy islam dinin ustanǵan. Shariǵattyń sharttary men halqymyzdyń ádet-ǵurpy úndesken dástúrli ata dinimiz bar. Onyń asyl qundylyqtary osy kúnge deiin ultymyzdy uiystyryp, birligimizdi bekemdep keledi. Ata jolyn saqtap, dinimiz ben salt-dástúrimizdi berik ustaý – bizdiń perzenttik paryzymyz. Osy oraida, jastarǵa durys baǵyt-baǵdar berý asa mańyzdy» – dedi Memleket basshysy.
