2026 jylǵy 1 shilde kúni Qyzylorda qalasynda ornalasqan aimaqtyq testileý ortalyǵynda Balhan Alfiia «Qazaq tili – Qazaq ádebieti» pánder kombinatsiiasyn tańdap, emtihandy sátti tapsyrdy, dep habarlaidy ult.kz.
Testileý nátijesi boiynsha 138 ball jinady. Sonymen qatar Alfiia QAZTEST sertifikatyn paidalanyp, «Qazaq tili» páni boiynsha baldaryn konvertatsiialady. Osylaisha qazirgi tańda Balhan Alfiianyń jalpy nátijesi 140 baldy quraidy.
«Men 11-synyptyń aldynda UBT-ǵa júieli túrde daiyndala bastadym. Meniń armanym – pedagog, qazaq tili men ádebieti pániniń muǵalimi bolý. Kishkentaiymnan qazaq klassikasyn oqýǵa qumarmyn, al meniń súiikti shyǵarmam – Muhtar Áýezovtyń «Abai joly» romany. Ádebietke degen súiispenshiligim meni ustaz bolýǵa jáne ana tilimizge degen qurmet pen súiispenshilikti jas urpaqtyń boiyna sińirýge jeteledi. UBT-ǵa daiyndyq barysynda qoldaý kórsetip, jiger bergen ata-anama jáne ustazdaryma alǵysymdy bildiremin», – dedi Alfiia.
Esterińizge sala ketsek, 26 mamyrda Pavlodar oblysynyń túlegi Áset Altair 140 ball jinaǵan edi. Jalpy negizgi UBT-nyń jeti aptasynda 340 myńǵa jýyq ret test tapsyryldy. Shekti baldy 70% talapker jinady, bes pán boiynsha ortasha ball 66 baldy qurady. 240 myńǵa jýyq talapker negizgi UBT-ǵa qatysýǵa eki múmkindikti esepke alǵanda 446 myńnan astam ótinish bergen. UBT 10 shildege deiin jalǵasady.
