Qyzylorda oblysynda iz-túzsiz joǵalǵan azamattyń denesi jaiylym aýmaǵyna jaqyn jerden tabyldy, dep habarlaidy ult.kz.
Oblystyq politsiia departamentiniń málimetinshe, azamattyń joǵalǵany týraly habar túskennen keiin birden jedel izdestirý jumystary bastalǵan. Izdeý sharalaryna politsiia qyzmetkerlerimen qatar, tótenshe jaǵdailar qyzmetiniń mamandary, eriktiler jáne jergilikti turǵyndar jumyldyryldy.
Izdestirý nátijesinde er adamnyń máiiti jaiylym aýmaǵynan batysqa qarai shamamen 800 metr jerden tabylǵan.
Aldyn ala tekserý qorytyndysy boiynsha máiitten zorlyq-zombylyq belgileri anyqtalmaǵan. Qazirgi ýaqytta oqiǵanyń barlyq mán-jaiyn anyqtaýǵa baǵyttalǵan qajetti protsessýaldyq is-sharalar júrgizilip jatyr.
Eske salaiyq, buǵan deiin Almaty qalasynyń Túrksib aýdanyndaǵy jekemenshik úilerdiń birinen er adamnyń máiiti tabylǵany habarlanǵan bolatyn.
