Foto: QR MAM
Soltústik Qazaqstan oblysyndaǵy Qyzyljar Creative centre kreativti habynyń ókilderi, estý qabileti shekteýli «Sensitive» bishiler teatry Qytaida ótken «Tiantszin kesteleri – 2025» atty II Halyqaralyq baiqaý-festivalinde úsh Gran-pri jeńip aldy, dep habarlaidy Ult.kz.
Baiqaýǵa Qytai Halyq Respýblikasy, Chehiia, Mońǵoliia, Bolgariia, Resei jáne basqa da elderden 700-den astam ónerpaz qatysty.
Qazaqstandyq ujym birneshe nominatsiia boiynsha úzdik dep tanyldy. Atap aitsaq, «Halyq stilindegi bi», «Zamanaýi horeografiia» jáne «Original janr».
Aita keteiik, «Sensitive» estý qabileti shekteýli bishiler teatryna 18 jyl toldy. 2024 jyly ujym oblystyq kreativti habtyń rezidenti atanyp, kreativti sektorda erekshe qajettilikteri bar jandarǵa jaǵdai jasaýmen ainalysyp keledi.
