Aqmola oblysynda mas kúiinde kólik júrgizgen er adam bir jylǵa bas bostandyǵynan aiyryldy. Sonymen qatar oǵan kólik basqarýǵa ómir boiyna tyiym salyndy, dep habarlaidy ult.kz.
Sot málimetinshe, buǵan deiin er adam júrgizýshi kýáliginen bir jylǵa aiyrylǵan. Alaida soǵan qaramastan qaitadan rólge mas kúiinde otyrǵan.
Sotta aiyptalýshy kinásin moiyndap, kólikke otyrar aldynda kóp mólsherde qymyz ishkenin aitty. Memlekettik aiyptaýshy onyń kinásin rastaityn dálelderdi usyndy.
Sot jaza taǵaiyndaý kezinde onyń kinásin moiyndaǵanyn jáne kámeletke tolmaǵan balalary bar ekenin eskerdi.
Úkim zańdy kúshine endi.
