Búgin, 23 tamyzda, Qazaqstanda Quryltai depýtattarynyń sailaýy ótip jatyr. Osyǵan orai «Qazaqstan» respýblikalyq teleradiokorporatsiiasynyń uiymdastyrýymen jalpyulttyq 16 saǵattyq online-marafon ótýde. Tikelei efir saǵat 09:00-de bastalyp, 00:30-ǵa deiin jalǵasady.
Marafon barysynda sailaý protsesi úzdiksiz kórsetilip, eldegi ózekti qoǵamdyq máseleler talqylanýda. Efirge qoǵam qairatkerleri, sarapshylar, belsendiler, blogerler, sportshylar men óner ókilderi qatysady.
Sondai-aq Astana, Almaty jáne Shymkent qalalarynan tikelei qosylymdar uiymdastyrylǵan. Úsh megapolistegi sailaý barysy, turǵyndardyń pikiri men kúnniń mańyzdy oqiǵalary kórermen nazaryna usynylady.
Marafon aiasynda saraptamalyq pikirler, suhbattar, motivatsiialyq dárister men interaktivti jobalar da kórsetiledi. Sailaýǵa qatysty resmi aqparattar men statistika da tikelei efirde jariialanyp otyrady.
Jalpyulttyq online-marafon respýblikalyq jáne óńirlik telearnalardyń efirinde, sondai-aq otandyq BAQ-tyń áleýmettik jelilerdegi resmi paraqshalarynda kórsetilip jatyr.
