بٷگٸن, 23 تامىزدا, قازاقستاندا قۇرىلتاي دەپۋتاتتارىنىڭ سايلاۋى ٶتٸپ جاتىر. وسىعان وراي «قازاقستان» رەسپۋبليكالىق تەلەراديوكورپوراتسيياسىنىڭ ۇيىمداستىرۋىمەن جالپىۇلتتىق 16 ساعاتتىق online-مارافون ٶتۋدە. تٸكەلەي ەفير ساعات 09:00-دە باستالىپ, 00:30-عا دەيٸن جالعاسادى.
مارافون بارىسىندا سايلاۋ پروتسەسٸ ٷزدٸكسٸز كٶرسەتٸلٸپ, ەلدەگٸ ٶزەكتٸ قوعامدىق مەسەلەلەر تالقىلانۋدا. ەفيرگە قوعام قايراتكەرلەرٸ, ساراپشىلار, بەلسەندٸلەر, بلوگەرلەر, سپورتشىلار مەن ٶنەر ٶكٸلدەرٸ قاتىسادى.
سونداي-اق استانا, الماتى جەنە شىمكەنت قالالارىنان تٸكەلەي قوسىلىمدار ۇيىمداستىرىلعان. ٷش مەگاپوليستەگٸ سايلاۋ بارىسى, تۇرعىنداردىڭ پٸكٸرٸ مەن كٷننٸڭ ماڭىزدى وقيعالارى كٶرەرمەن نازارىنا ۇسىنىلادى.
مارافون اياسىندا ساراپتامالىق پٸكٸرلەر, سۇحباتتار, موتيۆاتسييالىق دەرٸستەر مەن ينتەراكتيۆتٸ جوبالار دا كٶرسەتٸلەدٸ. سايلاۋعا قاتىستى رەسمي اقپاراتتار مەن ستاتيستيكا دا تٸكەلەي ەفيردە جارييالانىپ وتىرادى.
جالپىۇلتتىق online-مارافون رەسپۋبليكالىق جەنە ٶڭٸرلٸك تەلەارنالاردىڭ ەفيرٸندە, سونداي-اق وتاندىق باق-تىڭ ەلەۋمەتتٸك جەلٸلەردەگٸ رەسمي پاراقشالارىندا كٶرسەتٸلٸپ جاتىر.
