Túrkistandaǵy Qoja Ahmet Iasaýi kesenesiniń kúmbezine ǵylymi-restavratsiialyq jumystar júrgizilip jatyr, dep habarlaidy ult.kz.
Olardy «Qazqaitajańartý» respýblikalyq memlekettik kásipornynyń mamandary keshendi zertteý nátijelerine súiene otyryp júrgizip keledi. Zertteý barysynda kúmbezdiń syrtqy qabatynyń beriktigi álsirep, jarylǵan tustarynyń kóbeigeni anyqtalǵan.
Jumystar syrtqy qabattyń odan ári búlinýi men onyń jekelegen bólikteriniń qulaý qaýpiniń aldyn alýǵa baǵyttalǵan. Bul qabat keseneniń túpnusqa qurylymyna kirmeidi. Al kúmbezdiń tarihi konstrýktsiiasy búginge deiin bastapqy qalpynda saqtalǵan. Kúmbezdiń qabaty ony jaýyn-shashynnan, jelden, kún sáýlesinen jáne ózge de syrtqy faktorlardan qorǵaidy.
Aldaǵy ýaqytta sheshimder ǵylymi zertteý nátijeleri men tarihi qurylymǵa barynsha az aralasýdy kózdeitin qaǵidatqa sáikes qabyldanady.
Qoja Ahmet Iasaýi kesenesi – Qazaqstannan IýNESKO-nyń Búkilálemdik muralar tizimine engen alǵashqy eskertkish. Ǵylymi-restavratsiialyq jumystar mádeni murany saqtaý jónindegi halyqaralyq talaptarǵa sáikes jáne Qazaqstan Respýblikasy Mádeniet jáne aqparat ministrliginiń baqylaýymen júrgizilip keledi.
