Qostanai oblysyndaǵy Qostanai – Qarabutaq tasjolynda eki jeńil kólik betpe-bet soqtyǵysyp, eki adam qaza tapty, dep habarlaidy ult.kz.
Aldyn ala málimet boiynsha, jol apaty Beiimbet Mailin aýdanyndaǵy Valerianovka aýylynyń mańynda bolǵan.
Chery Cowin jáne Mazda 626 avtokólikteri soqtyǵysqan. Aldyn ala boljam boiynsha, Chery Cowin júrgizýshisi qarsy baǵyttaǵy jolaqqa shyǵyp ketip, Mazda 626 kóligimen betpe-bet soqtyǵysqan.
Jol apaty saldarynan Chery Cowin júrgizýshisi men onyń jolaýshylarynyń biri oqiǵa ornynda kóz jumdy.
Chery Cowin kóligindegi taǵy úsh jolaýshy men Mazda 626 júrgizýshisi túrli jaraqat alyp, meditsinalyq mekemege jetkizildi.
Atalǵan jol-kólik oqiǵasy boiynsha politsiia sotqa deiingi tergeýdi bastady. Quqyq qorǵaý organdary bolǵan oqiǵanyń barlyq mán-jaiy men sebepterin anyqtaý úshin qajetti tergeý amaldaryn júrgizip jatyr.
Qostanai oblysy politsiia departamenti júrgizýshilerdi jol qozǵalysy erejelerin qatań saqtaýǵa, jol jáne aýa raiy jaǵdaiyn eskere otyryp qaýipsiz jyldamdyqty tańdaýǵa, sondai-aq qaýipti manevrler jasamaýǵa shaqyrdy.
