Qostanai qalasy ákimdiginiń Bilim bólimi basshysy biýdjet qarajatyn jymqyrdy degen kúdikpen ustaldy. Bul týraly oblystyq prokýratýra habarlady, dep habarlaidy ult.kz.
Vedomstvo málimetinshe, Qostanai oblysy boiynsha UQK departamentiniń sotqa deiingi tergep-tekserý basqarmasy bilim salasyna qatysty laýazymdy tulǵalarǵa bailanysty qylmystyq isti tergep jatyr.
Kúdiktiler ózge adamdarmen aldyn ala sóz bailasyp, bólimge qarasty mektepterge bólingen biýdjet qarajatyn zańsyz iemdendi degen kúdikke ilingen.
1 maýsym kúni kúdiktiniń turǵylyqty jeri men jumys ornynda tintý júrgizilgen. Sol kúni Qostanai qalasy ákimdiginiń Bilim bólimi basshysy G.A. Urazbaeva QR Qylmystyq kodeksiniń 190-baby 3-bóligi boiynsha kúdikke ilinip, ýaqytsha ustaý tártibimen qamaýǵa alynǵan.
Qazirgi ýaqytta tergeý amaldary jalǵasyp jatyr. Quzyrly organdar Qylmystyq-protsestik kodeks talaptaryna sáikes ózge aqparat jariialanbaitynyn málimdedi.
