Qyzylorda oblysynda mal sharýashylyǵyn damytýǵa bólingen 60 mln teńgeni zańsyz iemdendi degen kúdikpen sharýashylyq basshysy qamaýǵa alyndy, dep habarlaidy ult.kz.
Qarjylyq monitoring agenttiginiń Qyzylorda oblysy boiynsha departamenti investitsiialyq jobany iske asyrýǵa baǵyttalǵan biýdjet qarajatynyń jymqyrylǵanyn anyqtady.
Tergeý málimetinshe, 2021 jyly «Baiqońyr» ÁKK» AQ-nyń qatysýymen «Syzdyq ata» JShS birlesken kásiporny qurylǵan. Jobanyń jalpy quny 311 mln teńgeni quraǵan. Onyń ishinde korporatsiia seriktestiktiń jarǵylyq kapitalyna 151,5 mln teńge salǵan.
Bul qarajatqa 1600 qoi, 130 iri qara mal jáne et qaptaityn jabdyq satyp alý josparlanǵan. Joba Jańaqorǵan aýdanynda et baǵytyndaǵy mal sharýashylyǵyn damytýǵa jáne turǵyndardy qoljetimdi baǵadaǵy sapaly et ónimderimen qamtamasyz etýge baǵyttalǵan.
Alaida tergeý nusqasyna sáikes, qajetti mal satyp alynǵannan keiin seriktestik basshysy bólingen qarajattyń bir bóligin zańsyz shyǵarý shemasyn uiymdastyrǵan.
Nátijesinde onyń baqylaýyndaǵy «Nurai» jáne «Abylaihan» jeke kásipkerleriniń shottaryna jalpy somasy 60 mln teńge zańsyz aýdarylyp, keiin qolma-qol aqshaǵa ainaldyrylǵan.
Kúdikti qamaýǵa alyndy. Sot sanktsiiasymen oǵan tiesili eki avtokólikke tyiym salyndy.
Qylmystyq is sotqa joldandy. Qylmystyq-protsestik kodekstiń 201-babyna sáikes, tergeý múddesine bailanysty istiń ózge mán-jailary jariia etilmeidi.
Kúdiktiniń kinási sottyń zańdy kúshine engen úkimimen ǵana anyqtalatynyn eskertemiz.
Buǵan deiin Qyzylorda oblysynda uiymdasqan qylmystyq toptyń joly kesilgenin jazǵan bolatynbyz.
