Foto: bloknot.ru
Astanada Qnet qarjylyq piramidasyn qurdy degen kúdikti ustaldy, - dep habarlaidy "Ult aqparat" Qarjylyq monitoring agenttigine silteme jasap.
"QMA Astana qalasy boiynsha departamenti qala prokýratýrasymen birlesip, "Qnet" qarjy piramidasyn qurý jáne basqarý faktisi boiynsha kúdiktini ustady. Bul kompaniia Astana men Aqmola oblysynyń aýmaǵynda 2020 jyldan bastap qazirgi ýaqytqa deiin jumys istedi.
Kúdikti jeke tulǵalardan tartylǵan qarajatty kásipkerlik qyzmetke paidalanbai, "Qnet" qarjy piramidasynyń qyzmetin uiymdastyrdy. Shema boiynsha eski salymshylardy jańa kelgenderdiń jarnalary esebinen qaita bólý jáne baiytý arqyly júzege asyryldy" - delingen habarlamada.
"Qnet" halyqaralyq kompaniiasynyń qyzmeti jelilik marketing jáne elektrondyq kommertsiia qyzmeti túrinde jasyrylǵan.
"Kompaniia birqatar elde qarjy piramidasy dep tanyldy. Sondai-aq ony QR Qarjy naryǵyn retteý jáne damytý agenttigi qarjy piramidasynyń belgileri bar kompaniialar tizimine engizdi.
Ókiletti organnyń qorytyndysyna sáikes, kompaniia salymshylarynan túsken túsim somasy 463 mln. teńgeni qurady" - delingen vedomstvo habarlamasynda.
Astana qalasynyń mamandandyrylǵan tergeý soty kúdiktige 2 aiǵa «qamaýda ustaý» sharasyna sanktsiia bergen.
QR QPK-niń 201-babyna sáikes ózge de aqparat jariia etýge jatpaidy.
