QR Bilim jáne ǵylym ministrligi otandyq QazCovid-in (QazVac) vaktsinasynyń qaýipsizdigi boiynsha esep ázirledi, dep habarlaidy QazAqparat.
QR Bilim jáne ǵylym vitse-ministri Miras Dáýlenovtyń aitýynsha, qazirgi ýaqytta vaktsinany zertteý Densaýlyq saqtaý ministrligi bekitken hattamaǵa sáikes shtattyq rejimde júrip jatyr.
«Almaty jáne Taraz qalalarynda tiisti GCP sertifikattary bar klinikalarda zertteý júrip jatyr. Barlyq eriktiler apta saiyn dárigerlerge densaýlyǵynyń jai-kúii týraly habarlaidy, klinikalarǵa únemi kelip turady, olardy dárigerler baqylaidy jáne eriktilerden virýsqa tán antidenelerge de, beitaraptandyratyn antidenelerge de synama alynady», - dedi vitse-ministr Ortalyq kommýnikatsiialar qyzmetinde ótken baspasóz máslihatynda.
Spikerdiń aitýynsha, biologiialyq qaýipsizdik problemalary ǵylymi-zertteý institýty vaktsinanyń qaýipsizdigi týraly esep daiyndady.
«Esep Densaýlyq saqtaý ministrligine beriledi jáne vaktsinanyń tiimdiligi týraly da esep ázirlenedi. Munda biz eriktilerdi klinikalyq bazalarymyzǵa shaqyramyz, olardan synamalar alamyz jáne osy synamalardy óńdeý nátijeleri boiynsha tiimdilikke bailanysty túpkilikti derekter kórinetin bolady», - dep túsindirdi Dáýlenov.
