Otandyq vaktsina jasaýshylar QazVac vaktsinasyn synaýdyń úshinshi kezeńi shildeniń ortasynda aiaqtamaq. Densaýlyq saqtaý ministrligi osy úshinshi kezeńniń qorytyndysy qashan jariialanatyny týraly túsinikteme berdi, dep habarlaidy QazAqparat.
«Shilde aiynda synaqtardyń úshinshi kezeńiniń alty ailyq merzimi aiaqtalady. Bul merzim shilde aiynyń ortasynda bolady. Tiisinshe osydan keiin klinikalyq synaqtardyń úshinshi fazasy boiynsha tiisti esepter resimdelip, dárilik zattardy saraptaý ortalyǵyna beriledi. Sońǵy qorytyndynyń qashan shyǵatyny ekpeni ázirleýshilerdiń Dárilik zattardy saraptaý ulttyq ortalyǵyna egjei-tegjei esepti qashan tolyq ótkizetinine bailanysty», - dedi vitse-ministr Marat Shoranov.
Sondai-aq, ol QazVac vaktsinasynyń Dúnieúzilik densaýlyq saqtaý uiymynyń tirkeýine alynýy týraly pikir bildirdi.
«Bizdiń QazVac vaktsinasy boiynsha Otardaǵy Biologiialyq qaýipsizdik institýtynyń ǵalymdary qazir Dúniejúzilik densaýlyq uiymymen jumys istep, óz ótinimderin toltyryp jatyr. Sonymen qatar taǵy bir uiymdastyrý jumystary bar. Endi biz Dúniejúzilik densaýlyq saqtaý uiymynyń mamandarymen birge kestege engizýge tyrysamyz. Qaraǵandyda shyǵatyn «Spýtnik V» vaktsinasynyń bizde tek qutyǵa quiylatynyn bilesizder. Jalpy Resei Federatsiiasy DDSU-men birge jumys istep jatyr. Jaqyn arada bizge málimet túsýi kerek. Ol endi DDSU-da tirkelse, dúniejúzi moiyndaǵan dep esepteledi», - dedi Densaýlyq saqtaý ministriniń birinshi orynbasary.
