Qazaqstandyq QazVac vaktsinasynyń alǵashqy partiiasy óńirlerge jóneltildi, dep habarlaidy "Ult aqparat" Densaýlyq saqtaý ministrligine silteme jasap.
Memleket basshysynyń 26 qańtardaǵy tapsyrmasyn oryndaý maqsatynda halyqty jappai vaktsinatsiialaýdy qamtamasyz etý úshin biologiialyq qaýipsizdik problemalary ǵylymi-zertteý institýtynyń bazasynda COVID-19 qarsy qazaqstandyq vaktsinanyń QazCovid-in alǵashqy partiiasy shyǵaryldy.
«SQ-Farmatsiia» biryńǵai distribiýtorynyń habtaryna 50 myń doza kóleminde otandyq vaktsinanyń birinshi partiiasy 23 sáýirde jetkizildi.
Onyń ishinde 6 000 dozany Nur-Sultan men Almaty, 4 000 dozadan – Shymkent, Qaraǵandy, Shyǵys Qazaqstan jáne Almaty oblystary alady, qalǵan óńirlerge eki myń dozadan túsedi.
QazVac vaktsinasyn biryńǵai distribiýtor habtaryna jetkizý 23 sáýirge deiin júzege asyryldy.
25 sáýirdegi jaǵdai boiynsha vaktsina Shyǵys Qazaqstan oblysynan basqa barlyq óńirlerge jóneltildi, al Shyǵys Qazaqstan oblysyna ol 26 sáýirden keiin keledi.
Aita keteiik, belsendi emes vaktsina himiialyq zattardyń áserinen beitaraptandyrylǵan virýs negizinde jasalady.
QazVac vaktsinasymen vaktsinalaý 21 kún aralyqpen eki ret júrgiziledi.
