قازاقستاندىق QazVac ۆاكتسيناسىنىڭ العاشقى پارتيياسى ٶڭٸرلەرگە جٶنەلتٸلدٸ, دەپ حابارلايدى "ۇلت اقپارات" دەنساۋلىق ساقتاۋ مينيسترلٸگٸنە سٸلتەمە جاساپ.
مەملەكەت باسشىسىنىڭ 26 قاڭتارداعى تاپسىرماسىن ورىنداۋ ماقساتىندا حالىقتى جاپپاي ۆاكتسيناتسييالاۋدى قامتاماسىز ەتۋ ٷشٸن بيولوگييالىق قاۋٸپسٸزدٸك پروبلەمالارى عىلىمي-زەرتتەۋ ينستيتۋتىنىڭ بازاسىندا COVID-19 قارسى قازاقستاندىق ۆاكتسينانىڭ QazCovid-in العاشقى پارتيياسى شىعارىلدى.
«سق-فارماتسييا» بٸرىڭعاي ديستريبيۋتورىنىڭ حابتارىنا 50 مىڭ دوزا كٶلەمٸندە وتاندىق ۆاكتسينانىڭ بٸرٸنشٸ پارتيياسى 23 سەۋٸردە جەتكٸزٸلدٸ.
ونىڭ ٸشٸندە 6 000 دوزانى نۇر-سۇلتان مەن الماتى, 4 000 دوزادان – شىمكەنت, قاراعاندى, شىعىس قازاقستان جەنە الماتى وبلىستارى الادى, قالعان ٶڭٸرلەرگە ەكٸ مىڭ دوزادان تٷسەدٸ.
QazVac ۆاكتسيناسىن بٸرىڭعاي ديستريبيۋتور حابتارىنا جەتكٸزۋ 23 سەۋٸرگە دەيٸن جٷزەگە اسىرىلدى.
25 سەۋٸردەگٸ جاعداي بويىنشا ۆاكتسينا شىعىس قازاقستان وبلىسىنان باسقا بارلىق ٶڭٸرلەرگە جٶنەلتٸلدٸ, ال شىعىس قازاقستان وبلىسىنا ول 26 سەۋٸردەن كەيٸن كەلەدٸ.
ايتا كەتەيٸك, بەلسەندٸ ەمەس ۆاكتسينا حيمييالىق زاتتاردىڭ ەسەرٸنەن بەيتاراپتاندىرىلعان ۆيرۋس نەگٸزٸندە جاسالادى.
QazVac ۆاكتسيناسىمەن ۆاكتسينالاۋ 21 كٷن ارالىقپەن ەكٸ رەت جٷرگٸزٸلەدٸ.
