Bilim jáne ǵylym ministrligi "Qazaqstan Respýblikasynyń ál-Farabi atyndaǵy ǵylym men tehnika salasyndaǵy 2021 jylǵy memlekettik syilyǵyn" QazVac vaktsinasyn jáne "Rozeofýngin-AS" zeńge qarsy jaqpamai ázirlegenderge berý týraly" Qazaqstan prezidentiniń jarlyǵy jobasyn daiyndady, dep habarlaidy "Ult aqparat".
Ál-Farabi atyndaǵy ǵylym men tehnika salasyndaǵy syiaqy eki ujymǵa - "Mikrobiologiia jáne virýsologiia ǵylymi-óndiristik ortalyǵy" jáne Biologiialyq qaýipsizdik problemalarynyń ǵylymi-zertteý institýty" qyzmetkerlerine beriledi.
"Memlekettik syilyqtar men stipendiialar" biýdjettik baǵdarlamasy boiynsha 2021 jylǵa qarastyrylǵan qarajat sheńberinde QR ál-Farabi atyndaǵy ǵylym men tehnika salasyndaǵy memlekettik syilyǵynyń aqshalai syiaqy somasy 37 200 000 teńgeni quraidy. Eki ujym 18 600 000 teńgeden syiaqy alady", - dep túsindirdi ministrlikte.
"Mikrobiologiia jáne virýsologiia ǵylymi-óndiristik ortalyǵy" qyzmetkerleri biopreparattyń jeti túrin ázirleidi. Onyń ishinde alǵashqy túpnusqalyq jáne tolyq otyndyq preparat "Rozeofýngin-AS" ta bar. Bul jaqpamai zeń jáne virýsqa qarsy kúresýge arnalǵan. Preparat otandyq prodýtsent negizinde ázirlengen.
Syiaqy myna azamattarǵa beriledi:
- "Mikrobiologiia jáne virýsologiia ǵylymi-óndiristik ortalyǵy" jaýapkershiligi shekteýli seriktestiginiń bas direktory, biologiia ǵylymdarynyń doktory, professor, akademik Amankeldi Sadanovqa;
- "Mikrobiologiia jáne virýsologiia ǵylymi-óndiristik ortalyǵy" jaýapkershiligi shekteýli seriktestiginiń bas ǵylymi qyzmetkeri, biologiia ǵylymdarynyń kandidaty Asia Balǵymbaevaǵa;
- "Mikrobiologiia jáne virýsologiia ǵylymi-óndiristik ortalyǵy" jaýapkershiligi shekteýli seriktestiginiń virýsologiia bóliminiń jetekshisi, biologiia ǵylymdarynyń doktory, professor, Qazaqstan Respýblikasynyń Ulttyq ǵylym akademiiasynyń korrespondent-múshesi Vladimir Berezinge;
- "Mikrobiologiia jáne virýsologiia ǵylymi-óndiristik ortalyǵy" jaýapkershiligi shekteýli seriktestiginiń bas ǵylymi qyzmetkeri, meditsina ǵylymdarynyń doktory, professor, Qazaqstan Respýblikasynyń Ulttyq ǵylym akademiiasynyń akademigi Iliias Qulmaǵambetovke;
- "Mikrobiologiia jáne virýsologiia ǵylymi-óndiristik ortalyǵy" jaýapkershiligi shekteýli seriktestiginiń bas ǵylymi qyzmetkeri, biologiia ǵylymdarynyń kandidaty Liýdmila Trenojnikovaǵa;
- "Ál-Farabi atyndaǵy Qazaq ulttyq ýniversiteti" kommertsiialyq emes aktsionerlik qoǵamynyń biologiia jáne biotehnologiia fakýltetiniń dotsenti mindetin atqarýshy, biologiia ǵylymdarynyń kandidaty Gúlnár Ultanbekovaǵa berildi.
"Biologiialyq qaýipsizdik problemalarynyń ǵylymi-zertteý institýty" qyzmetkerleri halyqty vaktsinalaý kezinde belsendi qoldanylyp jatqan koronavirýsqa qarsy QazVac otandyq vaktsinasyn ázirledi.
Osy oraida syiaqy myna qyzmetkerlerge beriledi dep josparlanýda:
- Qazaqstan Respýblikasy Bilim jáne ǵylym ministrligi Ǵylym komitetiniń "Biologiialyq qaýipsizdik problemalarynyń ǵylymi-zertteý institýty"sharýashylyq júrgizý quqyǵyndaǵy respýblikalyq memlekettik kásipornynyń bas direktory, Resei Federatsiiasynyń biologiia ǵylymdarynyń doktory, professor, Qazaqstan Respýblikasy Jaratylystaný ǵylymdary akademiiasynyń tolyq múshesi, Resei jaratylystaný akademiiasynyń korrespondent-múshesi Kúnsulý Zakariaǵa;
- QR BǴM Ǵylym komitetiniń "Biologiialyq qaýipsizdik problemalarynyń ǵylymi-zertteý institýty" ShJQ RMK bas direktorynyń ǵylym jáne kommertsiialandyrý jónindegi orynbasary, Qyrǵyz Respýblikasynyń veterinariia ǵylymdarynyń doktory, professor Erǵali Ábdiraiymovqa;
- QR BǴM Ǵylym komitetiniń "Biologiialyq qaýipsizdik problemalarynyń ǵylymi-zertteý institýty" ShJQ RMK bas direktorynyń óndiristik qyzmet jónindegi orynbasary, veterinariia ǵylymdarynyń kandidaty, professor Marhabat Qasenovke;
- QR BǴM Ǵylym komitetiniń "Biologiialyq qaýipsizdik problemalarynyń ǵylymi-zertteý institýty" ShJQ RMK zerthanasynyń meńgerýshisi, veterinariia ǵylymdarynyń doktory, professor Lesbek Qutymbetovke;
- ǴZI zerthanasynyń meńgerýshisi, veterinariia ǵylymdarynyń kandidaty, professor, Qazaqstan Respýblikasy Ulttyq ǵylym akademiiasynyń korrespondent-múshesi Muhit Orynbaevqa;
- ǴZI zerthanasynyń meńgerýshisi, biologiia ǵylymdarynyń kandidaty, professor Kúláisan Sultanqulovaǵa;
- ǴZI bas ǵylymi qyzmetkeri, veterinariia ǵylymdarynyń kandidaty, professor Berik Hairýllinge.
