Almatyda ál-Farabi atyndaǵy Qazaq ulttyq ýniversitetiniń Stýdentter saraiynyń bir bóligi opyrylyp tústi. Oqiǵa 23 qyrkúiekke qaraǵan túni Timiriazev kóshesinde bolǵan, dep habarlaidy ult.kz.
Kýágerlerdiń aitýynsha, qatty dybys estilgen. Olardyń sózinshe, sol ýaqytta ǵimaratta jóndeý jumystary júrgizilmegen. Oqiǵadan keiin áleýmettik jeli qoldanýshylary ǵimarattyń jaǵdaiyna alańdaýshylyq bildirdi.
QazUÝ baspasóz qyzmeti nysanda rekonstrýktsiia júrgizý josparlanǵanyn habarlady.
Ýniversitet málimetinshe, Stýdentter saraiy 1985 jyly salyna bastap, 1998 jyly paidalanýǵa berilgen. Sodan beri ǵimarat shamamen 30 jyl boiy kúrdeli jóndeýden nemese rekonstrýktsiiadan ótpegen.
2023 jyly akkredittelgen uiym ǵimarattyń tehnikalyq jaǵdaiyna saraptama júrgizgen. Tekserý nátijesinde birqatar eleýli aqaý anyqtalǵan.
Atap aitqanda, temirbeton rigelderiniń keibir bólikteri joq ekeni, baǵandardyń korroziiaǵa ushyrap, jekelegen tustarda qisaiýy, rigelder men baǵandardyń túiisý oryndarynyń buzylýy, sondai-aq temirbeton konstrýktsiialarynyń maiysýy men deformatsiiaǵa ushyraǵany anyqtalǵan.
Sonymen qatar ǵimarat qasbetiniń jylý oqshaýlaý qabaty búlinip, shatyrdyń metall konstrýktsiialarynda korroziia men jergilikti deformatsiialar bary belgili bolǵan.
Ýniversitet ókilderiniń aitýynsha, aqaýlardyń basym bóligin ǵimarattyń ishki árleýin bólshektemei anyqtaý múmkin bolmaǵan. Osyǵan bailanysty nysandy keshendi rekonstrýktsiialaý qajettigi týyndaǵan.
QazUÝ Stýdentter saraiynyń tarihi jáne mádeni mańyzyn eskere otyryp, ǵimaratty saqtap, qalpyna keltirý týraly sheshim qabyldanǵanyn málimdedi.
Aita keteiik, buǵan deiin QazUÝ-ǵa qaitarylǵan aýmaqtaǵy biznes-ortalyqtyń súrilgeni habarlanǵan bolatyn.
