Sáýir aiynyń sońynda «QazQovid-In» vaktsinasynyń alǵashqy ónerkásiptik partiiasy shyǵarylady. Bul týraly QR Densaýlyq saqtaý vitse-ministrliginiń Meditsinalyq jáne farmatsevtikalyq baqylaý komiteti tóraǵasynyń orynbasary Nurlybek Asylbekov aitty, dep habarlaidy QazAqparati.
«Ózderińizde biletindei, vaktsinany ázirleýmen Biologiialyq qaýipsizdik problemalary ǵylymi-zertteý institýty ainalysady. Ol QR Bilim jáne ǵylym ministrliginiń qurylymyna kiredi. Olardyń málimetterine sáikes, búginde barlyǵy da josparǵa sai júrgizilip jatyr. Klinikalyq synaqtyń birinshi jáne ekinshi satysy aiaqtalǵanyn bilemiz. Birinshi satysy 2020 jyldyń naýryzynda, ekinshisi sáýirde aiaqtaldy. Ótken jyldyń jeltoqsan aiynyń sońynda úshinshi saty bastaldy. Sondyqtan bári ret-retimen kele jatyr. Sáýir aiynyń sońynda vaktsina daiyn bolady dep kútip otyrmyz. Birinshi kólemi – 50 myń dozaǵa deiin. Sáýirdiń sońynda alǵashqy ónerkásiptik partiiasynyń shyǵarylatyndyǵy kútiledi», - dedi ol Ortalyq kommýnikatsiialar qyzmetindegi baspasóz máslihatynda.
