15 sáýirde QazCovid-in vaktsinasy klinikalyq zertteýiniń úshinshi satysy 50 paiyzǵa aiaqtalady. Bul týraly Biologiialyq qaýipsizdik problemalary ǵylymi-zertteý institýtynyń bas direktory Kúnsulý Zakariia aitty, dep habarlaidy QazAqparat.
«Kez kelgen vaktsinanyń meditsinalyq maqsatta qoldanýǵa jiberý úshin tekserýdiń birneshe kezeńi ótýi tiis. Birinshi kezekte, bul - janýarlarǵa klinikaǵa deiinge zertteýler, klinikalyq zertteýlerdiń birneshe satysy. QazCovid-in vaktsinasy klinikalyq zertteýdiń birinshi satysyn 100 paiyz tiimilikpen sátti óti. Klinikalyq zertteýdiń ekinshi satysynyń tiimdiligi 96 paiyz boldy. 15 sáýirde klinikalyq zertteýdiń úshinshi satysy 50 paiyzǵa aiaqtalady jáne sodan keiin osy kezeńde vaktsina qandai tiimdilik kórsetkenin habarlai alamyz», - dedi Kúnsulý Zakariia Jambyl oblysyndaǵy Biologiialyq qaýipsizdik problemalary ǵylymi-zertteý institýtynyń alańynda uiymdastyrylǵan baspasóz týry barysynda.
Sonymen qatar ǵalym «tolyq aiaqtalmaǵan kúidegi vaktsinany qoldanýǵa bola ma?» degen saýalǵa jaýap berdi.
«Pandemiiaǵa bailanysty kúrdeli jaǵdaidy jáne vaktsinanyń asa qajettigi eskerile otyryp, álemniń kóptegen elinde ortaq ádis qabyldanǵan. Vaktsina óndiretin elderdiń 100 paiyzy berlik ony klinikalyq zertteýdiń ekinshi satysy aiaqtalǵannan keiin nemese úshinshi satysy 50 paiyzǵa oryndalǵan soń meditsinalyq qoldanýdy bastaidy. Ýaqyt kútpeidi. Sondyqtan klinikalyq snaqtyń úshinshi satysynyń 50 paiyzy qanaǵattanarlyq nátie beretin bolsa, onda elimizdiń Densaýlyq saqtaý ministrligi ony meditsinalyq qoldanýǵa ruqsat beredi», - dedi institýt bas direktory.
