Dúniejúzilik densaýlyq saqtaý uiymynyń tizimindegi 268 vaktsinanyń ishinde qazaqstandyq vaktsina 14 bolyp tur, dep habarlaidy QazAqparat.
Búginge deiin álemde 268 kandidat vaktsina tirkelgenimen, sonyń kóbi synaqtyń 3 fazasyna deiin jetpegen. Bul týraly Bilim jáne ǵylym ministriniń orynbasary Erkin Dáýitbaev aitty.
«Klinikaǵa deiingi synaqtardan sátti ótkennen keiin onyń nátijeleri Densaýlyq saqtaý ministrligine qarasty dárilik zattar men buiymdardy saraptaý ortalyǵyna berildi. Ol jerde biz jasaǵan vaktsina taǵy synaqtan ótti. Ortalyq ózi iriktep alǵan janýarlarǵa egildi. Tipti janýarlarǵa arnalǵan dozasyn 10 ese arttyryp egip kórdi. Osy arqyly onyń qanshalyqty qaýipsiz jáne tiimdi ekeni tekserildi. Nátijesinde bizdiń instiýtqa DSM klinikalyq synaq júrgizýge ruqsat berdi», - deidi veodmstvo ókili.
Onyń aitýynsha, qazaqstandyq vaktsina álemdegi júzdegen vaktsinanyń ishinde synaqtyń 3 fazasyna ótken sanaýly preparattyń qataryna enip otyr.
«Synaqtyń ekinshi fazasy byltyr qyrkúiekte bastalyp, 244 eriktige salý arqyly bastaldy. Bul rekordtyq merzim bolǵanyn aitqym keledi. Dúniejúzilik densaýlyq saqtaý uiymynyń tizimindegi basqa kandidat vaktsinalarmen salystyryp qarasaq, 1 jáne 2 fazanyń, 2 jáne 3 fazanyń arasynda rekordtyq rekordtyq merzim qysqa bolǵan. DDU-nyń tiziminde álem boiynsha 268 kandidat bar desek, bizdiń Qazcovid-in 3 fazaǵa deiin jetti 14 shi bolyp otyr. Bul jumystyń úlken nátijesi deýge bolady», - dedi Erkin Dáýitbaev.
