Qazaqstannyń soltústik jáne shyǵys óńirlerinde jylytý maýsymyn 1 qazanǵa deiin bastaý josparlanýda, dep habarlaidy ult.kz.
Úkimet otyrysynda kúzgi-qysqy kezeńge daiyndyq barysy qaraldy. Energetika ministri Erlan Aqkenjenov energiia kózderindegi aǵymdaǵy nátijeler men otyn qorlary týraly baiandady.
«14 qyrkúiekten bastap Pavlodar oblysynda jylytý maýsymy bastaldy. Bul jumystardy Soltústik jáne shyǵys óńirlerde aýa raiynyń kórsetkishterine qarai 1 qazanǵa deiin bastaý kútilýde», — dedi Erlan Aqkenjenov.
Energiia kózderinde jylytý maýsymyn bastaý úshin qajetti otyn qory (4,9 mln tonna kómir jáne 127 myń tonna mazýt) jáne «negizgi» jabdyqtardyń quramy qalyptastyryldy. 4 energiia blogynda, 30 qazandyqta jáne 19 týrbinada jóndeý jumystary aiaqtaldy. 17 myń shaqyrym elektr berý jelilerin jóndeý tolyq kólemde oryndaldy. Sondai-aq jospardaǵy 377 shaqyrym jylý jelileriniń jalpy daiyndyǵy 97%-dy nemese 366 shaqyrymdy quraidy.
Sonymen qatar Ulytaý, Abai oblystaryndaǵy jáne Soltústik Qazaqstan men Aqmola óńirlerindegi jylý berý nysandary Úkimettiń erekshe baqylaýynda. Sátbaev qalasynda jylý magistralin jańǵyrtý tolyq aiaqtaldy, qazirgi ýaqytta jelini tazalaý jáne qysymmen synaý jumystary júrgizilýde. Petropavl qalasynyń jylý magistraldary boiynsha daiyndyq 95%-dy quraidy, barlyq jumystardy osy aptanyń sońyna deiin aiaqtaý josparlanýda. Stepnogorsk qalasynda jeliniń jalpy daiyndyǵy 76%-dy qurady. Aiaqtaý merzimi osy jylǵy 25 qyrkúiekte kútilýde. Semei qalasyndaǵy úsh joba boiynsha jospardyń oryndalýy 70%-dy quraidy. Sýtartqysh qurylǵylary men jylý almastyrǵyshtardy jetkizý tek 26 qyrkúiekte kútilýde.
