قازاقستاننىڭ سولتٷستٸك جەنە شىعىس ٶڭٸرلەرٸندە جىلىتۋ ماۋسىمىن 1 قازانعا دەيٸن باستاۋ جوسپارلانۋدا, دەپ حابارلايدى ult.kz.
ٷكٸمەت وتىرىسىندا كٷزگٸ-قىسقى كەزەڭگە دايىندىق بارىسى قارالدى. ەنەرگەتيكا مينيسترٸ ەرلان اقكەنجەنوۆ ەنەرگييا كٶزدەرٸندەگٸ اعىمداعى نەتيجەلەر مەن وتىن قورلارى تۋرالى باياندادى.
«14 قىركٷيەكتەن باستاپ پاۆلودار وبلىسىندا جىلىتۋ ماۋسىمى باستالدى. بۇل جۇمىستاردى سولتٷستٸك جەنە شىعىس ٶڭٸرلەردە اۋا رايىنىڭ كٶرسەتكٸشتەرٸنە قاراي 1 قازانعا دەيٸن باستاۋ كٷتٸلۋدە», — دەدٸ ەرلان اقكەنجەنوۆ.
ەنەرگييا كٶزدەرٸندە جىلىتۋ ماۋسىمىن باستاۋ ٷشٸن قاجەتتٸ وتىن قورى (4,9 ملن توننا كٶمٸر جەنە 127 مىڭ توننا مازۋت) جەنە «نەگٸزگٸ» جابدىقتاردىڭ قۇرامى قالىپتاستىرىلدى. 4 ەنەرگييا بلوگىندا, 30 قازاندىقتا جەنە 19 تۋربينادا جٶندەۋ جۇمىستارى اياقتالدى. 17 مىڭ شاقىرىم ەلەكتر بەرۋ جەلٸلەرٸن جٶندەۋ تولىق كٶلەمدە ورىندالدى. سونداي-اق جوسپارداعى 377 شاقىرىم جىلۋ جەلٸلەرٸنٸڭ جالپى دايىندىعى 97%-دى نەمەسە 366 شاقىرىمدى قۇرايدى.
سونىمەن قاتار ۇلىتاۋ, اباي وبلىستارىنداعى جەنە سولتٷستٸك قازاقستان مەن اقمولا ٶڭٸرلەرٸندەگٸ جىلۋ بەرۋ نىساندارى ٷكٸمەتتٸڭ ەرەكشە باقىلاۋىندا. سەتباەۆ قالاسىندا جىلۋ ماگيسترالٸن جاڭعىرتۋ تولىق اياقتالدى, قازٸرگٸ ۋاقىتتا جەلٸنٸ تازالاۋ جەنە قىسىممەن سىناۋ جۇمىستارى جٷرگٸزٸلۋدە. پەتروپاۆل قالاسىنىڭ جىلۋ ماگيسترالدارى بويىنشا دايىندىق 95%-دى قۇرايدى, بارلىق جۇمىستاردى وسى اپتانىڭ سوڭىنا دەيٸن اياقتاۋ جوسپارلانۋدا. ستەپنوگورسك قالاسىندا جەلٸنٸڭ جالپى دايىندىعى 76%-دى قۇرادى. اياقتاۋ مەرزٸمٸ وسى جىلعى 25 قىركٷيەكتە كٷتٸلۋدە. سەمەي قالاسىنداعى ٷش جوبا بويىنشا جوسپاردىڭ ورىندالۋى 70%-دى قۇرايدى. سۋتارتقىش قۇرىلعىلارى مەن جىلۋ الماستىرعىشتاردى جەتكٸزۋ تەك 26 قىركٷيەكتە كٷتٸلۋدە.
