Qazaqstannyń birqatar óńirlerinde aýa raiynyń qolaisyz qubylystary kútiledi. Osyǵan bailanysty Tótenshe jaǵdailar ministrligi turǵyndardy saqtyq sharalaryn qatań saqtaýǵa shaqyrdy, dep habarlaidy ult.kz.
Sinoptikterdiń boljamynsha, Aqmola, Soltústik Qazaqstan, Qaraǵandy, Ulytaý, Shyǵys Qazaqstan, Abai, Pavlodar jáne Qostanai oblystarynda jańbyr jaýyp, naizaǵai oinaidy. Kei jerlerde burshaq túsip, daýyl soǵyp, jeldiń ekpini kúsheiýi múmkin.
Almaty jáne Jetisý oblystarynda, sondai-aq Jambyl men Túrkistan oblystarynyń taýly aýdandarynda qysqa merzimdi jańbyr men naizaǵai kútiledi.
Sonymen qatar eldiń birneshe óńirinde aptap ystyq saqtalady. Kúndiz aýa temperatýrasy 35–41 gradýsqa deiin kóterilip, joǵary jáne tótenshe órt qaýpi saqtalmaq.
Mamandar turǵyndarǵa aýa raiy boljamdaryn turaqty baqylap otyrýǵa, órt qaýipsizdigi talaptaryn saqtaýǵa jáne qolaisyz aýa raiy kezinde ashyq alańdarda uzaq ýaqyt bolmaýǵa keńes beredi.
TJM ókilderi naizaǵai kezinde ashyq jerlerde turmaýǵa, aǵashtardyń astyna jasyrynbaýǵa jáne kólik júrgizýshilerine jolda asa muqiiat bolýǵa shaqyrdy.
