Qazaqstandyq veloshabandoz Rinata Sultanova HH jazǵy Aziia oiyndarynda áielder arasyndaǵy tasjol velosportynan jekelei jarysta altyn medal jeńip aldy, dep habarlaidy ult.kz.
Bul — Qazaqstan quramasynyń biylǵy Aziadadaǵy alǵashqy altyn júldesi. Rinata Sultanova alǵashqy jarys kúninde jeńiske jetip, ulttyq quramanyń altyn medaldar esebin ashty.
Jarys qorytyndysy:
1-oryn — (Qazaqstan) Rinata Sultanova — 36:23.72
2-oryn — (Qytai) Chjan Hao — 36:28.40
3-oryn — (Ońtústik Koreia) Sin Djiyn — 36:56.14
Bul — Rinata Sultanovanyń ekinshi Aziadasy. Buǵan deiin Hanchjoýda ótken Aziia oiyndarynda ol jekelei ýaqytqa jarysýdan qola medal jeńip alǵan bolatyn.
Sońǵy jyldary beiindi federatsiiamen birlesip sportshylardy iri halyqaralyq jarystarǵa daiyndaýǵa, Aziia chempionattary men basqa da mańyzdy básekelerge qatysýǵa erekshe kóńil bólinip keledi. Mundai jarystarda jinaqtalǵan tájiribe sportshylardy maýsymnyń negizgi dodalaryna josparly túrde daiyndaýǵa múmkindik beredi.
Búginde tasjoldaǵy velosport Qazaqstannyń 9 óńirinde damytylyp keledi. Óńirlik daiarlyq júiesin jetildirý, federatsiia men jattyqtyrýshylar quramynyń jumysy, sondai-aq sport rezervin qalyptastyrý qazaqstandyq velosporttyń halyqaralyq arenadaǵy pozitsiiasyn odan ári nyǵaitýǵa negiz bolady.
Rinata Sultanovanyń jeńisi — Qazaqstannyń HH jazǵy Aziia oiyndaryndaǵy alǵashqy altyn medali.
