قازاقستاندىق ۆەلوشاباندوز ريناتا سۇلتانوۆا حح جازعى ازييا ويىندارىندا ەيەلدەر اراسىنداعى تاسجول ۆەلوسپورتىنان جەكەلەي جارىستا التىن مەدال جەڭٸپ الدى, دەپ حابارلايدى ult.kz.
بۇل — قازاقستان قۇراماسىنىڭ بيىلعى ازياداداعى العاشقى التىن جٷلدەسٸ. ريناتا سۇلتانوۆا العاشقى جارىس كٷنٸندە جەڭٸسكە جەتٸپ, ۇلتتىق قۇرامانىڭ التىن مەدالدار ەسەبٸن اشتى.
جارىس قورىتىندىسى:
1-ورىن — (قازاقستان) ريناتا سۇلتانوۆا — 36:23.72
2-ورىن — (قىتاي) چجان حاو — 36:28.40
3-ورىن — (وڭتٷستٸك كورەيا) سين دجيىن — 36:56.14
بۇل — ريناتا سۇلتانوۆانىڭ ەكٸنشٸ ازياداسى. بۇعان دەيٸن حانچجوۋدا ٶتكەن ازييا ويىندارىندا ول جەكەلەي ۋاقىتقا جارىسۋدان قولا مەدال جەڭٸپ العان بولاتىن.
سوڭعى جىلدارى بەيٸندٸ فەدەراتسييامەن بٸرلەسٸپ سپورتشىلاردى ٸرٸ حالىقارالىق جارىستارعا دايىنداۋعا, ازييا چەمپيوناتتارى مەن باسقا دا ماڭىزدى بەسەكەلەرگە قاتىسۋعا ەرەكشە كٶڭٸل بٶلٸنٸپ كەلەدٸ. مۇنداي جارىستاردا جيناقتالعان تەجٸريبە سپورتشىلاردى ماۋسىمنىڭ نەگٸزگٸ دودالارىنا جوسپارلى تٷردە دايىنداۋعا مٷمكٸندٸك بەرەدٸ.
بٷگٸندە تاسجولداعى ۆەلوسپورت قازاقستاننىڭ 9 ٶڭٸرٸندە دامىتىلىپ كەلەدٸ. ٶڭٸرلٸك دايارلىق جٷيەسٸن جەتٸلدٸرۋ, فەدەراتسييا مەن جاتتىقتىرۋشىلار قۇرامىنىڭ جۇمىسى, سونداي-اق سپورت رەزەرۆٸن قالىپتاستىرۋ قازاقستاندىق ۆەلوسپورتتىڭ حالىقارالىق ارەناداعى پوزيتسيياسىن ودان ەرٸ نىعايتۋعا نەگٸز بولادى.
ريناتا سۇلتانوۆانىڭ جەڭٸسٸ — قازاقستاننىڭ حح جازعى ازييا ويىندارىنداعى العاشقى التىن مەدالٸ.
